Butuan City, Agusan Del Norte — Wala ng buhay nang matagpuan ang labi ng isang pitong taong gulang na batang babae sa isang balon sa Barangay Basag sa Butuan City, Agusan Del Norte.
Base sa imbestigasyon ng mga awtoridad, nag-report sa mga pulis ang ama ng bata ukol sa pagkawala nito nang hindi ito makauwi kinagabihan ng Biyernes.
Umaga ng Sabado ng magsagawa ng search operation ang kapulisan, kung saan agad nilang natagpuan ang katawan ng bata sa isang balon.
Ang suspek na kinilala bilang isang dalawamput-siyam na taong gulang na kapit bahay lamang umano ng nasabing biktima.
Tumulong pa raw umano ang suspek sa paghanap sa bata at sumama papuntang balon kung saan nakita ang katawan ng biktima.
Nahuli naman ito matapos makita ang damit at pantalon ng suspek malapit lamang sa pinangyarihan ng krimen.
Sa kabila niyan, inamin ng suspek ang ginawang krimen, kung saan ayon sa kanya na lasing lamang siya ng gawin niya ang karumal-dumal na pagpaslang sa biktima.
Una niyang sinuntok ang bata habang ito ay nasa kama, nang mawalan ng malay ay dinala na niya ito sa kaniyang bahay at doon na minolestya ang biktima at itinapon sa balon.
Sa ngayon ay hinihintay pa ng mga awtoridad ang resulta ng drug test ng suspek na mahaharap naman sa kasong rape at homicide.