Manila, Philippines – Arestado ang district engineer na si Abelardo Calalo ng Department of. Public Works and Highways Batangas 1st District matapos tangkaing suhulan si Rep. Leandro Leviste ng mahigit P3.1 milyon. Isinagawa ang operasyon sa Taal, Batangas noong Biyernes ng gabi.
Ayon sa imbestigasyon, layon ng suhulan na pigilan ang isinasagawang imbestigasyon ni Leviste sa mga maanomalyang flood control projects sa distrito. Ibinunyag ng kongresista na maraming proyekto ang substandard at madaling masira.
Tiniyak ni Leviste na magsasampa siya ng kaso laban kay Calalo at kanyang iginiit na hindi siya papayag sa anumang uri ng katiwalian. Nangako rin siya ng malawakang reporma sa DPWH upang masugpo ang mga sistemikong problema sa ahensya.