Ipinatutupad na muli ng Metropolitan Manila Development Authority (MMDA) ang 30 minutong ‘heat stroke break’ policy para sa mga field personnel sa gitna ng tumataas na heat index sa bansa.
Sa ilalim ng isang memorandum circular, magkakaroon ng fixed 30 minute break para sa mga traffic enforcers at street sweepers, na epektibo araw-araw simula noong ika-3 ng Marso hanggang sa katapusan ng Mayo.
Ayon kay MMDA Chairman Atty. Don Artes, ito ay isa sa mga paraan ng ahensya para matulungan ang mga field personnel nito na maiwasan ang sobrang pagkababad sa labas sa gitna ng mainit na panahon, at para maiwasan na rin ang mga heat-related illnesses gaya ng heat stroke.
“We acknowledge the challenges being faced by our traffic enforcers and street sweepers who diligently work in the heat to fulfill their duties and responsibilities; their well-being is crucial and this initiative seeks to mitigate health-related illnesses among them, especially with the sudden rise in the heat index in Metro Manila,’ sabi ni Artes.
Alinsunod sa polisiya, ang mga traffic enforcers at street sweepers na on duty ay papayagang umalis sa kanilang poste para makapag-rehydrate at makasilong sa loob ng kalahating oras.
Narito ang schedule ng break para sa mga on duty na traffic enforcers:
5 am to 1 pm shift:
•10 am to 10:30 am or 10:30 am to 11 am
1 pm to 9 pm shift:
• 2:30 pm to 3 pm or 3 pm to 3:30 pm
6 am to 2 pm shift:
• 11 am to 11:30 am or 11:30 am to 12 noon
2 pm to 10 pm shift:
• 3 pm to 3:30 pm or 3:30 pm to 4 pm.
Para naman sa mga street sweepers:
6 am to 2 pm shift:
• 11 am to 11:30 am or 11:30 am to 12 noon
7 am to 4 pm shift:
•12 noon to 1 pm (regular break time)
11 am to 7 pm shift:
• 2:30 pm to 3:00 pm or 3:00 pm to 3:30 pm
Maaari rin magkaroon ng karagdagang 15-minutong break time ang mga field personnel kapag umabot sa 40 degrees celsius pataas ang heat index sa Metro Manila.