Manila, Philippines – Naging matagmupay ang kauna unahang Inter Agency Exercise (IAX) o Pagsasanay SANLAKAS sa pagitan ng Armed Forces of the Philippines (AFP), Philippine National Police (PNP), at Philippine Coast Guard (PCG).
Layon ng pagsasanay na ito na palakasin ang security operations at interoperability ng Joint AFP, PNP, and PCG Education, Training, and Doctrine Cell (JAPPETDC) para magkaroon ng common operational framework ang mga security sector sa pagresponde sa kalamidad at krisis sa bansa.
Sa kabuuan lumahok ang nasa halos dalawang daang uniformed peronnel ng tatlong ahensya sa pagsasanay.
Inaasahan na sa susunod na IAX ang mga posibleng real world scenarios pati na ang command staff exercise, command post exercise, at field training exercise.
Sa parte ng PCG nakita raw sa pagsasanay ang kahalagahan ng sama samang pagtugon para protektahan ang bansa sa ano mang crisis na kakaharapin nito.
Nasubok rin ang kakayahan sa decision making ng mga lumahok, at kung paano rumesponde sa oras na kailangan nang sama samang pagtugon.
Bagamat magkakaiba ang doktrina ng tatlong ahensya pero iisa lamang ang layon nito pagdating sa pagpapanatili ng peace and order at pagtugon sa mga suliranin ng bansa.
BRAWNER BINIGYANG DIIN ANG KAHALAGAHAN NG SAMA SAMANG PAGTUGON SA PAMBANSANG SEGURIDAD
Nagsilbing guest of honor at speaker sa Closing Ceremony ng pagsasanay si AFP Chief of Staff General Romeo Brawner Jr pinaalalahana nito ang mga uniformed personnel na kilalanin ang unity sa gitna ng mga krisis.
Ayon kay Brawner inilalarawan rito ang tatlong mandato ng ahensya to serve to save and secure. Bagamat hindi raw ito unang Joint Exercise kung saan magkakasama rin ang tatlo sa iba pang pagsasanay kabilang na ang Balikatan Exercises.
Dito pantay pantay raw ang mandato hindi gaya ng ibang pagsasanay na pinangununahan ng AFP at hindi kakayanin ng iisang ahensya lamang tumugon sa mga hamon sa seguridad.
Binigyang diin ni Brawner ang kahalagahan ng partnership ng AFP, PNP, PCG para matugunan ang mga hamon sa mga kalamidad at crisis sa hinaharap.
Nanawagan rin ito sa mga lumahok ng pagkakaisa para igiit ang soberanya, peace and order at protektahan ang mga katubigang sakop ng Pilipinas.
Samantala kinikilala naman ng Alyansa ng Bantay sa Kapayapaan at Demokrasya ang mga hakbang ng AFP para matugunan ang posibleng banta partikular na ang pagiging agresibo ng Tsina sa West Philippine Sea (WPS).
Sabi ni Chairman Emeritus Dr. Jose Antonio Goitia, pinalalawak ng Pilipinas ang kooperasyon sa Allies at Partners sa pamamagitan ng joint patrols, maritime exercises, at diplomatikong koordinasyon.
Kabilang rin sa mga tinukoy ni Goitia ang pagpapatupad ng whole-of-nation approach para igiit ang ating karapatan sa katubigang sakop ng bansa at tuloy tuloy na presensya ng pamahalaan sa WPS, bilang malinaw na pagpapakita ng soberanya sa gitna ng agresibong galaw ng iba pang claimant countries.