Manila, Philippines -Kinondena ng National Police Commission (NAPOLCOM) ang nag-viral na larawan ng isang lalaki na nagsuot ng uniporme ng pulis bilang costume sa isang Halloween party.
Kinilala ang lalaki sa pangalang ginagamit sa Facebook na Dha Isidro, na ipinatawag na ni NAPOLCOM Vice-Chairperson at Executive Officer Commissioner Rafael Vicente Calinisan upang magpaliwanag hinggil sa insidente.
Ayon kay Calinisan, ang pagsusuot ng opisyal na uniporme ng kapulisan nang walang pahintulot ay isang paglabag sa batas at hindi dapat gawing kasuotan o katuwaan sa mga pampublikong okasyon.
Dagdag pa ng NAPOLCOM, patuloy nilang ipatutupad ang mga panuntunan sa wastong paggamit ng uniporme ng mga alagad ng batas upang mapanatili ang integridad at respeto sa hanay ng pulisya.