Manila, Philippines – Bilang bahagi ng pagdiriwang ng National Children’s Month, magkakaloob ang Light Rail Transit Authority (LRTA)ng libreng sakay para sa lahat ng kabataang pasahero na edad 18 pababa ngayong Nobyembre 3, 2025.
Ayon sa anunsiyo ng LRTA, ipatutupad ang libreng sakay sa dalawang oras ng operasyon mula 7:00 AM hanggang 9:00 AM at 5:00 PM hanggang 7:00 PM sa lahat ng istasyon ng LRT Line 2.
Layunin ng inisyatibong ito na ipakita ang pagpapahalaga sa kabataan at bilang tugon sa panawagan ng Council for the Welfare of Children (CWC) na gunitain ang mahalagang papel ng mga bata sa lipunan.