MANILA, PHILIPPINES – Opisyal ng ipinakilala ng Miss World Philippines 2024 ang mga kandidatang sasabak ngayong taon na susungkit sa korona bilang pambato ng Pilipinas sa ibang bansa.
Sa naganap na final screening ng Miss world, isa-isang nagpakilala at nagpakitang gilas sa pagsagot ang mahigit 25 kandidata mula sa iba’t ibang lugar sa bansa.
Bukod dito inirampa rin ng mga ito ang kani-kanilang swimsuit.
Kabilang sa mga naging bahagi ng final set ng Miss World 2024 sina Ms. Cosmo Philippines 1st Runner up at Bb. Pilipinas 2022 finalist Jasmine Omay.
Ilang kandidata rin mula sa Miss Universe Philippines ang spotted sa final screening gaya ni Bianca Tapia at Dia Remulla Mate.
Kabilang sa final set ang Miss World Philippines 2021 First Runner Up Riana Agatha Pangindian.
Samantala, isa sa mga naging bahagi ng selection committe ng mga bagong kandidata sina Miss World Philippines 2021-2022 Tracy Maureen Perez, Miss World Philippines 2022-2023 Gwendolyn Fournoil, iba pang mga beauty queens at si Arnold Vegafria National Director ng Miss World Philippines.
Mapapanood naman ang Coronation night para sa new set of Queens sa July 19 sa Mall of Asia Arena, sa Pasay City alas-8 ng gabi.
