Manila, Philippines – Bilang bahagi ng paghahanda para sa pagpapalawak ng P20 Benteng Bigas Program sa 2026, inilunsad na ng Department of Agriculture (DA) ang P20 Benteng Bigas Masterlist Registry System na layong mapabilis at mas mapahusay ang monitoring ng mga benepisyaryo.
Ang bagong digital system ay maglalaman ng centralized masterlist ng lahat ng kuwalipikadong benepisyaryo ng programa. Layunin nitong tiyaking tama, mabilis, at transparent ang pagtanggap ng subsidiya ng bawat pamilya o indibidwal na sakop ng benteng bigas initiative.
Ayon sa DA, inaasahang makatutulong ang sistema sa pag-alis ng duplication ng records at pag-iwas sa anumang uri ng anomalya habang pinalalawak ang programa sa darating na taon.