Manila, Philippines – Ayon kay Deputy Executive Director Lilibeth Gallego ng JJWC, hindi pa panahon para amyendahan ang Juvenile Justice Welfare act.
Ngunit, kailangan paigtingin ang pagpapatupad sa nilalaman ng batas.
Base sa datos ng JJWC, 118 pa lamang ang Bahay Pag-asa—ang rehabilitation center kung saan dinadala ang mga batang nagkasala, sa buong Pilipinas.
At kung tutuusin hindi pa aniya sapat ang bilang na ito.
Nasa mandato na lokal na pamahalaan ang magtayo ng Bahay Pag-asa, nang sa gayon ay makacater ang mga lahat children in conflict with the law.
Ayon kay DSWD ASEC. Zabedin Azis, hindi solusyon ang pagbaba ng minimum age criminal responsibility.
Kundi kailangan ng gobyerno na mas paigtingin pa ang mga programa gobyerno para masuportahan ang bunerableng sektor sa paggawa ng krimen.
Batay sa datos na iprinisenta ni Gallego, nagkaroon ng pagbaba sa bilang ng mga children in conflict with the law (CICL), mula sa 26,000 noong 2017, nasa 4,000 na lamang noong 2024.
Sa pag-aaral na ibinahagi ni Gallego, mas lumalala ang trauma ng mga bata at may malaking posibilidad muling magkasala sa paglabas nito kung ibababa ng MACR.
Unang-una na si Senator Robin Padilla na sinusuportahan ang pagbaba ng minimum age of Criminal Responsibility sa sampung taong gulang para sa mga menor de edad.
Ngunit, tinutulan ito ng mga opisyal.
Paliwanag ni Gallego, sa edad na sampu hindi pa buo ang kakayahan ng mga bata na mag desisyon para sa sarili nito.
Ipinagdiriwang ng Juvenile Justice and Welfare Council (JJWC) ang 14th Juvenile Justice and Welfare Consciousness Week ngayong Lunes (Nobyembre 24) na may temang “JJWA: Bata’y May Pananagutan, Gabay at Kalinga ang Kaagapay.”
Layunin ng selebrasyon na palalimin ang kaalaman ng publiko tungkol sa Juvenile Justice and Welfare Act, bigyan ng tamang gabay ang mga guro sa wastong paghawak ng children at risk at CICL cases.