Antipolo, Rizal — Patay na nang matagpuan ang isanggol na nakasilid sa isang kahon na mistulang itinapon na lamang sa imbakan ng mga basura sa Antipolo, Rizal.
Ayon sa Violence against women and children Officer ng Brangay San Jose, nakasilid sa isang plastic labo ang bagong silang na sanggol nang ilagay ito sa kahon at isinara gamit anmg packing tape.
Base sa imbestigasyon ng mga opisyal, nasa anim hanggang pitong buwan na ang sanggol.
Tiningnan na rin ng mga awtoridad ang CCTV footage sa lugar kung saan nakita ang nakakahon na sanggol upang tukuyin kung sino ang nagiwan rito.
Ngunit hanggang ngayon ay hindi parin natutukoy ng mga ito ang taong nasa likod ng pagiwan sa labi.
Maaaring sampahan ng kasong ang ina ng sanggol at kung sino pang sangkot sa pagabandona ng nasabing sanggol.