Quezon City – Ang nasabing rider ay nagmalasakit lamang umano matapos na makita nito na hinahabol ng isang Metropolitan Manila Development Authority o MMDA officer sa kanto ng Soliven Street.
Kinilala ang biktima na si Wilmer Zara, 31 years old, isang asawa at padre de pamilya.
Ayon sa mga awtoridad, tinangay pa umano ng suspek ang motorsiklo nito at inabandona ilang metro lamang ang layo sa pinangyarihan ng insidente.
Base sa kwento ng asawa ng biktima, sinundo siya ng kanyang asawa mula sa kanyang trabaho at tumigil lamang sila sa commonwealth Avenue para kumain at bumili ng pasalubong.
Nakita raw ni Wilmer ang nangyaring komosyon ng isang MMDA officer at ng isang rider kaya agad na nagbigay tulong ito.
Humihingi naman ng hustisya ang misis at mga kaanak ni Wilmer ng hustisya sa sinapit ng kanilang kapamilya.
Sa kasalukuyan, pinaghahahanap na ng mga kapulisan ang suspek at masusing iniimbestigahan na ng Quezon City Police District ang nangyaring insidente.