Manila, Philippines – Urban resilience at transport system, ilan lamang ito sa mga pinagusapan sa isinagawang pagpupulong ni Metro Manila Council President at San Juan City Mayor Francis Zamora kasama ang pamunuan ng University of the Philippines (UP).
Sa naging pagpupulong tinalakay ang mga posibleng solusyon at mga programang makatutulong para sa lungsod ng Metro Manila.
Ayon kay Mayor Francis Zamora, layunin nitong palakasin ang ugnayan ng lokal na pamahalaan at akademiya para makabuo ng mas epektibong urban resilience solutions.
Nakatuon din ang talakayan sa pagpapalakas ng mga inisyatiba ng Metro Manila Council sa traffic systems analysis, transport modeling, flood risk assessment, at disaster resilience planning.
Plano rin ng alkalde na mas paigtingin pa ang data integration at technical modeling, na maaaring inilunsad sa traffic at flood resilience framework sa San Juan bilang pilot area.
Dinaluhan ang naturang pagpupulong nina UP President Angelo Jimenez, UP Resilience Institute Executive Director Mahar Lagmay, at National Center for Transportation Studies Director Jun Castro.—Grachella Corazon, Eurotv News