Manila, Philippines – Itinanggi ni Palace Press Officer at Undersecretary Atty. Claire Castro ang pagkakasangkot niya sa isang voice recording kausap ang di umano’y isang vlogger na may mga hawak ng troll ng pamahalaan.
Kaugnay ito sa isang voice clip na iprenesenta ni Senator Robin Padilla sa senado sa pagdinig ng 2026 budget deliberation ng Presidential Communications Office (PCO).
Sa naturang clip maririnig ang pag-uusap ng tinatawag na madam at ng isang vlogger patungkol sa 20 class B vlogger na nagsisilbi umanong troll.
Ayon kay Padilla, boses daw ni Usec. Castro ang kausap ng nasabing vlogger sa recording.
Bagamat una nang itinanggi ng mga kawani ng PCO na present sa deliberation na malayo umano ang boses na iyon kumpara sa tunay na boses ng kalihim.
Sinagot pa rin ni Usec Castro ang paratang at sinabing hindi siya ang madam na maririnig sa video clip.
Matagal na rin daw lumabas ang video na iyon na may mukha pa ng tunay na nagsasalita.
Pinuna rin Castro ang walang malinaw na source ng senador sa kung kanino niya nakuha ang video recording clip na dapat siya bilang nagpapanukala daw ng Anti-Troll Farm bill ay magsilbi din dapat siyang modelo na hindi nagpapagamit sa mga fake news.
Matatandaan na sa deliberation kung saan iprenesenta ng senador ang clip, una na ring hinimok ni Senate President Tito Sotto si Padilla na iberipika muna ang naturang recording sa National Bureau of Investigation (NBI).
Magiging unfair daw kasi kay Castro kung nadadawit ang kaniyang pangalan.
Sinang-ayunan naman ito ni Senator Loren Legarda.
Samantala, kaugnay pa rin ng mga troll ‘di umano ng pamahalaan.
Muling nagpakita si Senator Padilla ng video clip kung saan si Pangulong Ferdinand Marcos Jr. naman ang nagkumpirma na mayroon silang libo libong Troll Army.
Una nang sinabi ng mga kawani ng PCO na mayroon silang organic supporters at hindi sila gumagamit government funds para lang mag hire ng mga trolls na gumagawa ng fake news.