Manila, Philippines – Sinampahan ng kasong plunder at graft sa office of the Ombudsman si Vice President Sara Duterte at ilang opisyal mula sa Department of Education at Office of the Vice President dahil sa umano’y maling paggamit ng PHP 612.5 million confidential fund.
Ilan sa mga naghain ng reklamo ay mula sa mga civil society, kabilang ang Ramon Magsaysay Awardee na si Fr. Flaviano Villanueva, dating finance undersecretary Cielo Magno, running priest Robert Reyes, former presidential adviser Ging Deles, University of the Philippines Professor Sylvia Claudio.
Bukod kay Duterte, nahaharap sa kaso sina Office of the Vice President Chief of Staff Zuelika Lopez, Assistant Chief of Staff Lemuel Ortonio, OVP officials Rosalynne Sanchez, Julieta Villadelrey, Sunshine Fajarda, at Gina Acosta.
former OVP Spokesman Michael Wesley Poa, former Education officials Annalyn Sevilla, Gloria Mercado, Rhunna Catalan, Edward Fajarda, at ilang pang opisyal mula sa Deped at OVP.
Kinasuhan din ng bribery, malversation, violations of the Anti-Graft and Corrupt Practices Act, Culpable Violation of the Constitution at Betrayal of Public Trust.
PALACE SA REKLAMONG PLUNDER VS VP DUTERTE: ‘MAS MAINAM NA MAIMBESTIGAHAN ITO’
Samantala, pahayag ng Malacañang na kung mayroong basehan at kalakip ng reklamo ang mga ebidensya na nagpapatunay sa paglabag ng bise presidente, mas mainam aniya itong maimbestigahan.—Krizza Lopez, Eurotv News