Manila, Philippines – Magde-deploy ang Metropolitan Manila Development Authority (MMDA) ng mahigit 2,400 personnel sa inaasahang malawakang rally sa People Power Monument at Luneta sa November 30.
Ayon kay MMDA Chair Romando Artes, bukod sa pagmamando ng trapiko, tutulong din ang mga tauhan ng ahensya sa pagtugon sa anumang road emergency at sa paglilinis matapos ang pagtitipon.
Dahil sa inaasahang dagsa ng mga kalahok, magpapatupad ang MMDA ng ilang road closure sa Quezon City at Maynila. Ipapalabas ang kumpletong listahan ng mga apektadong kalsada sa kanilang social media pages.
Magkakaroon din ng adjustment sa mga barrier sa EDSA upang mabawasan ang abala sa mga motorista.
Nanawagan muli ang MMDA sa mga organizer na tiyaking hindi aabot sa mga pangunahing kalsada, lalo na sa EDSA, ang mga participants ng rally upang maiwasan ang malala pang trapiko.