KIDAPAWAN CITY, PHILIPPINES – Inilunsad ng Humanitarian and Spiritual Missionary Apostulates of Davao And Asia, Inc o Hasmadai Foundation ang kanilang kauna-unahang Hasmadai Institute Technology sa Kidapawan City.
Sa pangunguna ng Chairman nitong si Bong Encarnacion Tabusares, sabay sabay na sinaksihan ng mga ito ang ribbon cutting ng naturang institusyon sa Kidapawan na dinaluhan ng nasa mahigit 3000 indibidwal.
Layon nitong matulungan ang mga nais makapag-aral sa pamamagitan ng kanilang scholarship program gayundin ang mga nais madagdagan pa ang kanilang kaalaman pagdating sa pag hahanapbuhay sa tulong naman ng kanilang livelihood program.
Sakop ng naturang scholarship program ang per semester allowance na ibibigay sa mga mag-aaral mula elementary, high school at college na nagkakahalaga ng P9,000
https://www.facebook.com/OfficialEurotvnews/videos/1816190375556276
Kasabay ng pagbubukas ng kanilang Hasmadai Institute Technology namigay rin sila ng tig 5 kilong bigas at mga groceries na simbolo daw ng kanilang patuloy na misyong makapaghatid ng tulong sa mga nangangailangan.
Nito lang kamakailan naumpisahan na ng naturang institusyon ang Bread and Pastry Training ng unang batch ng mga trainees.
Mayroon ding libreng Emergency Rescue Vehicle sa naturang institusyon na inalaan ang Hasmadai para magamit ng mahihirap na pamilya sa Kidapawan.
Samantala iba’t ibang programa rin ang iniaalok ng Hasmdai Foundation sa kanilang mga satelite offices gaya na lang ng pakikibahagi sakanilang spiritual mission, social services, livelihood assitance at funder and support.