Manila Philippines — Mariing itinanggi ng gobyerno ng China ang pagsasagawa ng reklamasyon sa Escoda Shoal sa bahagi ng West Philippine Sea, kasunod ng ulat ng Philippine Coast Guard (PCG) hinggil sa umanoy artificial island sa rehiyon.
Sa isang pahayag sinabi ni Chinese Foreign Ministry Spokesperson Wang Wenbin na inaakusahan lamang ng Pilipinas ang China.
Ayon pa sa China, iresponsable at nililito lamang ng Pilipinas ang international community hinggil sa aktibidad ng China.
“… the accusation of “China’s reclamation” at Xianbin Jiao is sheer rumor spread by the Philippines, which is an irresponsible claim designed to vilify China and mislead the international community,” sabi ni Wang sa isang press conference noong Lunes, May 13, 2024.
Iniulat ng Philippine Coast Guard ang pagkasira ng mga bahura sa bahagi ng Escoda Shoal, na malinaw raw na nagsisimula na ang China na magtayo ng artificial Island.
Ayon kay PCG Spokesperson for the West Philippine Sea Commodore Jay Tariela, hindi raw maitatanggi na ang China ang hindi sumusunod sa environmental laws sa karagatan.
“China cannot simply dismiss these findings as disinformation, as we have documented the presence of their vessels in the area. It is widely known that China is the only country in the region that disregards environmental concerns,” ani Tarriela sa kanyang post sa X|Twitter.
Sa pinakahuling ulat ng PCG, naman ng ahensya ang nasa mahigit 30 Chinese Maritime Militia Vessels, tatlong Chinese Coast Guard Vessels, tatlong Peoples Liberation Army Navy Warships at tatlong research vessels sa Escoda Shoal.