Manila, Philippines – Pinagpapaliwanag na ng Department of Public Works and Highways (DPWH) ang mga opisyal na sangkot sa umano’y ghost project sa Baliwag City, Bulacan.
Ayon kay Sec. Manuel Bonoan, napadalhan na ng show cause order ang opisyal, partikular aniya sa mga nag-endorso at nagpatupad ng proyekto.
Giit ni Bonoan, sa oras na hindi katanggap-tanggap ang naging paliwanag, handang magpataw ng suspensyon at sampahan ng kaso ang mga ito.
Ilan sa mga nauugnay sa guni-guning proyekto ay sina dating first Eng. District Chief Henry Alcantara, at ang pumalit na si Eng. Brice Hernandez.
Nasa ilalim na rin ng floating status ang mga opisyal habang gumugulong ang imbestigasyon.
Samantala sa isang panayam, sinabi ni Bonoan na hindi pa blacklisted ang SYMS Construction na siyang contractor ng ghost project sa Baliwag City.
Ngunit binigyang diin ng kalihim na maliban sa blacklisting, kakasuhan ang contractor dahil na rin sa bigat ng anomalya.—Krizza Lopez, Eurotv News