Manila, Philippines – Nagpaalala ang Department of Education (DepEd) sa publiko na huwag basta basta maniwala sa mga nababasa online.
Yan ay matapos ang kumakalat ngayon na mga maling impormasyon kung saan ipinagbawal daw umano ng ahensya sa mga paaralan ang pagsasagawa ng Christmas Party.
Ayon sa DepEd, fake news ito at wala silang ibinababang direktiba kaugnay dito.
Hindi rin naman daw nabanggit sa ibinababang kautusan ng Malacañang na ipagbawal ang Christmas Party sa mga paaralan.
Na tanging sinabi lang ay gawing simple ang kanilang year-end party at selebrasyon sa lahat ng mga ahensya ng pamahalaan at hindi kasama dito ang mga eskwelahan.
Samantala, hinikayat naman ng Kagawaran ang sinumang makakita ng kaparehong anunsyo na hindi totoo na ireport ang mga page na nagpapakalat ng fake news na nagdudulot ng kalituhan sa publiko.