Manila, Philippines – Sa pagpapatuloy ng rebelasyon ni dating ako Bicol Partylist Representative Zaldy Co patungkol sa mga nalalaman nyang anomalya sa gobyerno, si First Lady Liza Araneta-Marcos naman ang idinawit nya sa isyu ng mataas na presyo ng mga bilihin.
Sa panibagong video ni Co, isiniwalat ni Co na hawak umano ni Martin Araneta, kapatid ng First Lady, ang kontrol sa mga presyo ng sibuyas.
Sa kabila ng pagkakaroon ng imbestigasyon, sabi ni Co, hindi raw ito natuloy nang ipag-utos mismo ng First Lady ang pagpapatigil sa imbestigasyon kaugnay ng mataas na presyo ng sibuyas.
Bukod sa sibuyas, idiniin din ni Co na si First Lady ang may hawak at may kontrol sa presyo ng bigas, partikular na noong 2023 kung saan mataas ang presyo nito.
Ayon kay Co, makailang beses nya raw kinausap si dating Speaker Martin Romualdez para mag-angkat ng bigas upang mapababa ang presyo nito sa merkado sa P22 kada kilo, na hindi raw inaprubahan ni Pangulong Ferdinand Marcos Jr.
Noong 2024, inisyatibo raw nya ang mungkahi ng pagpapababa ng taripa sa bigas hanggang 15% upang masolusyunan ang mataas pa ring presyo nito sa bansa.
Ngunit makalipas daw ang anim na buwan na hindi pa rin bumababa ang presyo ng bigas, iminungkahi raw ni Co na magkaroon na ng imbestigasyon ang Kongreso patungkol dito.
Ayon kay Co, ito ang dahilan kung bakit walang nangyayari sa mga imbestigasyon patungkol sa mataas na presyo ng bilihin, bilang hawak aniya ito ng mga makapangyarihang tao.