Manila, Philippines – Inirekomenda ng political and financial department ng Commission on election ang termination ng case ni Senator Chiz Escudero kaugnay sa pagtanggap ng donasyon mula isang contractor.
Batay sa pagsusuri ng political finance and affairs department (PFAD) walang nakitang ebidensya na lumabag si Escudero pagtanggap nito ng 30 million pesos donation campaign mula kay Lawrence Lubiano na may-ari ng Centerways Corporation.
Sa argumentong inilabas na PFAD, mayroong magkahiwalay na legalidad ang Centerways at si Lubiano kahit pa pagmamay-ari niya ang korporasyon.
Binigyang diin na hindi sapat ang pagiging opisyal o stockholder ni Lubiano sa isang kumpanya para isantabi ang pa ng paghihiwalay ng korporasyon at ng indibidwal
Ang “corporate veil” ay maaari lamang balewalain kung may malinaw na ebidensya ng panloloko, pag-iwas sa legal na obligasyon, o kawalang-katarungan.
Sinasabi sa resolusyon na walang ebidensya na si Lubiano ay kumilos bilang isang “alter ego” ng Centerways para lang takasan ang Seksyon 95 ng OEC.
Giit pa ng PFAD, karapatan ni Lubiano ang personal na pagbibigay ng donasyon kay Escudero.
Sa huli, nagdesisyon ang departamento sa loob ng comelec na ibasura ang imbestigasyon sa umano’y pagalabag ni Escudero sa Section 95 ng Omnibus Election Code (OEC).
Nagsimula ang kaso na ito ni Escudero matapos makita sa kanyang Statement of Contribution and expenditures (SOCE) na tumanggap siya ng donasyon na 30 million pesos mula sa Lubiano— may-ari ng isang construction firm na Centerways.
Ito’y sa gitna ng mainit na pagpapanagot sa mga sangkot sa korapsyon sa loob ng DPWH.—Krizza Lopez, Eurotv News