Manila, Philippines – Hiniling si Akbayan Representative Chel Diokno sa kamara na kunin an kustodiya ni Ramil Madriaga para matiyak ang kaligtasan at availability habang tinatalakay ang impeachment complaint laban kay Vice President Sara Duterte.
Batay sa sulat ni Diokno para kay House Committee on Justice Chair at Batangas Representative Gerville Luistro, iginiit ng mambabatas na maituturing bilang ‘material witness’ si Madriaga sa impeachment case ni Vice President Duterte.
Hawak ng Camp Bagong Diwa sa Bicutan, Taguig ang kustodiya ni Madriaga.
Gayundin, kasama ang iba pang kongresista na sina Mamamayang Liberal Partylist Representative Atty. Leila de Lima, Akbayan Representaties Percy Cendana at Dinagat Islands Rep. Kaka Bag-Ao, hiniling din ni Diokno ang paggawa ng mga pangunahing dokumento na mahalaga sa pagsusuri ng mga reklamo laban kay Duterte.
Bagama’t pareho lamang ang nilalaman ng impeachment complaint na inihain laban kay Duterte noong Feb. 2025 sa reklamong tinatrabaho ngayong kamara, mas nagbigay ng bigat sa reklamo ang testimonya ni Madriaga-dating aide ng Bise.
Si Madriaga ang humiling sa Office of the Ombudsman na imbestigahan ang umanoy korapsyon ng bise.
Iginiit ni Madriaga na inutusan siya noon ni Sara na magdeliver ng pera sa ilang tao. – Krizza Lopez, Eurotv News