Manila, Philippines – Muling pinatunayan ni Philippine National Police (PNP) Chief Police General Rommel Francisco Marbil, ang pangako ng ahensya sa pagsulong ng isang teknolohiya at propesyonal na puwersa ng pulisya na nakatuon sa pagtataguyod ng kapayapaan, kaayusan, at konstitusyon.
Ayon sa kanyang ibinigay na mensahe para sa pagdaraos ng bagong taon, binigyang-diin ni Gen. Marbil ang kahandaan ng PNP na tugunan ang umuusbong na pangangailangan ng pagpapatupad ng batas sa modernong panahon.
Sinabi niya, na nasa isip na nila ang isang modernong puwersa ng pulisya para sa isang modernong lipunang Pilipino, at ito ay ang tumugon, propesyonal, at naaayon sa panahon.
Dagdag pa niya na ang PNP ay tumatayo bilang isang haligi ng demokrasya, na sumusunod sa mga prinsipyo ng katarungan, kawalang-kinikilingan, at paglilingkod higit sa sarili. Na ang mga tauhan ng kagawaran ay mas inuuna ang kapakanan ng mga tao, hindi nababahiran ng mga kaakibat o impluwensya sa pulitika.
Samantala, binigyang atensyon rin ng organisasyon ang pag kakaroon ng teknolohiya, na ipinapakita ang mga inisyatiba, tulad ng pag-deploy ng mga body-worn cameras, real-time crime mapping, at pinahusay na mga cybercrime prevention units.
Gayunpaman, nanawagan din ang PNP Chief para sa mas malakas na pagtutulungan at kooperasyon ng pulisya at mga komunidad, na kinikilala ang suporta ng publiko, bilang mahalaga sa epektibong pagtulong at pagresponde ng kapulisan.
Ang mga pagsisikap ng modernisasyon ng PNP at walang patid na pangako sa walang kinikilingan ay naglalayong patatagin ang tungkulin nito bilang isang pinagkakatiwalaang institusyon sa pagpapanatili ng kapayapaan at seguridad sa bansa.