Manila, Philippines – Dalawang pu’t pito araw na lang bago ang kapaskuhan, nag-iisip na rin ba kayo kung anong mga putahe ang pagsasalaluhan sa noche buena na pasok sa inyong budget?
Ayon sa Department of Trade and Industry, sa halagang 500 pesos possible nang makapaghanda ng simple para sa Noche Buena.
Sa mga tindahan sa Divisoria Market, naglalaro na sa 185 pesos ang kada kilo ng manok
90 pesos naman ang kada kilo ngayon ng kamatis.
Samantala, sentimyento ng mamimili hindi sapat ang limang daang piso, kahit pa sa simpleng handaan.
Komento ng mga mamimili, sa presyo pa lamang ng isang spaghetti package, pang rekado, at sahog ay di na sapat ang limang daang piso.
Si Nanay Vivian na family of 4, karne ng baboy at manok pa lamang ang binili ay mahal na, lalo’t panahon ng kapaskuhan.
Samantala, iba naman para kay nanay Nene, kung usapin aniyang praktikal, bibili na lamang sila sa fast food ng pagkain para sa kaniyang pamilya na may tatlong miyembro.
Hamon ng mamimili, subukan ng ahensya na bumili ng mga panghanda, kasama na ang pang rekado, at pangsahog para noche buena.
Dahil sa naging pahayag ni DTI Secretary Cristina Roque, ilang mga progresibong grupo ang hindi sumang-ayon sa kalihim.
Ayon kay Kilusang Mayo Uno Jerome Adonis, insulto ang naging pahayag ng DTI sa manggagawang Pilipino na mababa ang nakukuhang sahod sa pagtatrabaho.
Hindi rin napigilan ng mga mambabatas mula makabayan bloc ng mababang kapulungan ang batikusin ang naging pahayag ng kalihim.
Aniya, malayo na sa realidad ang DTI sa tunay na kalagayan ngayon ng mga Pilipino sa mataas na bilihin.
Nilinaw ni Roque na sapat ang limang daan piso para sa 2 to 4 family member matapos dumugin ng batikos.—Krizza Lopez, Eurotv News