Manila, Philippines – Mula July 6 hanggang ngayong July 12, araw ng sabado, ramdam pa rin ang pagkulimlim at pag-ulan sa malaking bahagi ng bansa.
Kabilang pa rin dito ang mga lugar partikular na sa Metro Manila, Central Luzon, ilang parte ng Visayas pati ng Mindanao.
Ayon sa Philippine Atmospheric Geophysical and Astronomical Services Administration (PAGASA) ito ay dulot pa rin ng umiiral na Habagat.
Batay pa rin sa latest report ng Weather Bureau, asahan na mas lalakas pa ang epekto ng habagat hanggang sa susunod na linggo.
Kaya naman patuloy na pinag-iingat ang mga residente, lalo na sa mga lugar na nabanggit.
Abiso rin nila na panatilihin ang pagiging updated sa ulat panahon, upang maging handa sa oras ng sakuna. –Charles Malate, Contributor