TINIYAK NG PHILIPPINE NATIONAL POLICE AT NATIONAL BUREAU OF INVESTIGATION NA HANDA NILANG IPATUPAD ANG WARRANT OF ARREST LABAN KAY SENADOR BATO DELA ROSA MATAPOS SABIHIN NG DEPARTMENT OF JUSTICE NA ENFORCEABLE ANG WARRANT NG INTERNATIONAL CRIMINAL COURT.
Sa official statement ng PNP, sinabi nitong kinikilala nila ang direktiba ng Department of Justice at igagalang ang proseso ng batas.
Anila, isasagawa nila ang kanilang mandato nang naaayon sa due process, umiiral na batas, at standard operational procedures habang nirerespeto rin ang karapatan ng lahat ng panig.
Samantala, diretsahan namang sinabi ni NBI Director Melvin Matibag na aarestuhin nila si dela Rosa “without delay”.
Giit ni Matibag, obligasyon ng NBI na ipatupad ang batas “without fear or favor” at tiniyak nitong magiging propesyonal ang operasyon.